Nagkaroon ng lecture dito sa opisina namin tungkol sa Musculoskeletal Disorder, na mas kilala natin bilang - muscle pain. At dahil wala akong schedule na shooting at mall tour, sinubukan kong umattend sa seminar na ito. Doktor yung speaker, so natural na mataas ang expectations ko. At isa pa, base sa credentials nya, isa syang diplomate, parang ako, di-pomade.
Sa umpisa pa lang, sinabi nya na isang taon nya itong pinag aralan sa eskwelahan pero ituturo nya sa amin ng isang oras lang. Todo-compute naman si ako. Kung may 300 na araw sa isang taon ng pag-aaral, lumalabas na bawat minuto ng lecture nya ang katumbas ay limang araw sa school. Sa isip isip ko, hindi ako dapat pumikit dahil bawat segundo ay mahalaga. Kahit inaantok, gising na gising ako, para akong naka drugs.
Sinabi nya na 75% ng lahat ng medical complaints ay stress-related. Yung mga migraine, tension, sprain, high blood, back pain, muscle ache, insomia at ilang psychiatric disorders ay stress ang #1 contributor. At ang # 1 contributor daw ng stress ay biyenan, hehe. (jok) (luv u nay!)
Sa lawak ng topic, nag focus sya ng discussion sa mga work-related na musculoskeletal disorders. Mga sumasakit na likod, balakang, braso, leeg, hita o kamay. Nag lecture sya kung ano ang nature ng mga sakit na ito, paano nangyayari at paano maiiwasan.
Eto ang aking mga natutunan:
Fact: Kapag na-sprain ang paa, cold compress muna ang first aid.
In Fact: Sa pamilya namin, nanay ko ang doktor, nung mapilay ako minsan dahil sa basketball, tinapalan nya agad ito ng ininit na dahon ng ‘tuba’, saka binalot ng mahigpit. Yung init daw ay para mamatay ang mikrobyo at yung benda ay para daw mawala ang maga. Ang resulta, naging negro ang mga daliri ko sa paa at pati talampakan ko kulay tutong. Umiyak ako non, hindi dahil sa sakit kundi sa kakaisip na baka malaglag na lang ang paa ko dahil nabubulok na ito.
Doktora: Ang hot compress ay gagawin, 2 days after the sprain.
Nanay ko: Strike the iron when it’s hot!
-----------
Fact: Sa tamang pag-upo, hindi ang lower back ang dapat magdala ng weight ng upper body mo.
In Fact: Akala ko very basic ang mga pagtayo, pag-upo, paglakad at paghiga, pero mali pala yung mga nakagawian kong gawin. Kaya pala nung ako yung pangsiyam na pasahero sa jeep na pang waluhan lang at pilit na ipinasiksik sa akin ng drayber yung pwet ko, mayamaya lang ay namanhid na yung mga binti ko. Tinusok na ng karayom ng mangkukulam at muntik ko nang patayin yung mamang humawak sa binti ko nung bumaba sya.
Doktora: Kapag masakit ang pwet mo, musculoskeletal disorder din ito kasi muscle din ang pwet.
Nanay ko: God knows Hudas not pay!
----------
Fact: Sabi sa ergonomics, mas maiging nagpapalit ng position ang mga trabahador sa isang manufacturing plant para makaiwas sa Repetitive Stress Injury (RSI).
In Fact: Nung nag half day ang boss ko sa trabaho dahil medyo masama na ang pakiramdam nya at medyo mataas ang dugo nya ay balak ko sanang i-discuss yung principle nitong RSI. Baka kasi masyado na syang na-stress at baka kako gusto nyang makipagpalit muna sa akin ng position kahit sandali lang, hehe.
Doktora: One major cause of RSIs is overused of a muscle.
Nanay ko: Jack fell down and broke his crown and Jill came tumbling after.
Overall naging productive para sa akin yung seminar na yon. Madami akong natutunan at pwedeng i-share sa aking asawa, i-apply sa trabaho at pang araw araw na pamumuhay.
At ano ang number 1 na gamot sa stress?
Edi Tawa. Hahaha!!!
Manila Time
